由0到100 – 攻破DSE的學習策略：擴闊你的學習視野 (7個取得學習資源的途徑)
呢個暑假對你DSE成功與否係舉足輕重 身為7科5**既過來人🙂我都想分享下可以點善用呢個暑假推進你既學業成績同訂立好既時間表 :)
今年2020 DSE考生可以話係多災多難，我估大家如果勤力少少既都會有做過DSE Timetable時間表架啦，但係我想勸勉大家千祈唔好訂個目標太高，我嗰時一日温習大概8個鐘左右，其餘時間做番自己既興趣(打機)中和下。排得太緊一黎你會太早chur盡失去鬥志，二黎你一達唔到目標會好難追番打亂節奏。一星期最少都要預留1-2日比同friend出去玩。
個計劃盡量以温習內容黎定一個時節 (温完trigo嗰3課書/ 做完一份reading…) 而唔係計時間 （兩個鐘温完中文)，唔洗限死話某個時間要温完一科，唔好迫自己趕收工咁温。
不同科目時間分配：
一日最好既話温大約3科，建議大家2文科（中英LS) + 1理/商科或者1文科+2理/商，每科約3小時既workload（做完一份past paper+對卷差唔多)，如果想多元化啲可以一日温4科，但每科各自温少啲時間，並且比文/理科目都有温到。
以下係一個例子：
上午：温熟完YY Regular 7-9期、
中午：Physics既Radioactivity Chapter
下午：睇哂LS Module 2既各種energy type + impacts + properties
理想既話以4-5日為一單位，姐係訂立呢4-5日一定要温完既課題、做完既練習。我自己就以5日為一單位，其中1日休息，其餘4日循環咁温哂我嗰7科唔同課題（放棄左M2) 同做練習。唔可以比任何一科空置超過一星期，尤其背書科 (Chem /Econ)，如果唔係會唔記得，如果嗰5日温唔哂，推落下一個5日都可以。
以下係一個例子： 每個單位温既科都可以唔同。
Day1: 休息
Day2: Chin + Eng + Econ
Day3: Eng + LS + Maths
Day4: LS + Phy + Chem
Day5: Chin + Chem + Econ
暑假温習應以重温鞏固已有知識為重，不必趕住做CE past paper。7月至8月頭應盡量將一科全部教科書由睇温習一次並且做筆記。確保教過既Topic已經入哂腦，加上啱啱考完試温黎都輕鬆啲。當你對教科書、學校notes (如有用）好熟之後就開始清埋你既補習筆記，如果你學校野無用就直接7月中開始温補習筆記啦。8月尾、9月開學再開始做past paper/exercise都唔遲．
右面課程會好詳細講解呢套溫習計劃，好建議大家睇睇： https://brown-flamingo-591574.hostingersite.com/courses/study/
面講既就係理科既温習方式，應用既層面好廣！ 理科包括啲咩 ? 基本上問答模式如果大多是直接利用書本指引的步驟尋找答案，或是利用已有知識去推斷原因、解釋現象、提供建議，就可以當作是理科。因此，數學、Phy、Chem、Bio、甚至Econ、BAFS都可以算做係理科。
1. 温習理科首要條件
由於理科多數要求學生對科目既固有知識 (如定義Definition,方程式Formula, 化學物質性質) 非常熟悉，因此對書本上既知識既掌握尤其重要。我覺得雖然操練係學習理科既核心，但操Past Paper或練習之前最好係將整個課程的教科書 (或學校筆記) 由頭到尾温習多於一次。☺️
第一次由頭温到尾係非常認真地讀，每一個部分都嘗試不斷背誦，尤其Definition，温完一個chapter去下一個chapter之前確保自己對每上一個chapter大部分內容都能夠背出黎，盡量試試背誦書上大部分內容 (自行篩選不重要的)。如是者由第一個Chapter讀到尾，過程會很漫長，但回報絕對值得。數學科的話記得將F1-F3的教科書都温一次，而且都要係精讀 。
2. 完成第一次精讀
當你已經由頭到尾讀過一次課程範圍後，就可以係記憶仲新鮮既時候嘗試一下做有關既練習同埋年代久遠既CE By Topic或者By Year，由2000年開始做起已經好足夠)。呢個時候我建議一定要為每一科開一本簿專門記錄練習既題目，我叫佢做「試題庫」，每次做練習既時候都一定要拎出黎，係做既時候將唔識既題目同埋特別既題型抄落去，而係對答案既時候將你錯左、中伏、同問法新穎既題目都抄落去。對答案非常重要，絕對唔可以做完練習唔對答案。你亦都可以係練習或者PP上面同螢光筆Highlight🖍，然後本簿就係寫邊版有咩Concept係一定要記得。有關做練習既次序，我建議先做CE By Topic或者By Year (我當時係由2000開始做By Year) (按這裏加你的科目到Google Drive)，然後做坊間練習 (如Joint Us)。
3. 已開始操練
係操練既過程我極度推薦再温多幾次成個syllabus，可能你做左一個星期練習後記憶開始模糊，呢個時候你應該再拎哂所有教科書或者學校筆記出黎。呢次應該係比較快速咁温，重點再背熟一定要背既Definition, 化學性質，Accounting Principle等等。因為你上次已經温得好熟，所以你呢次再背過書既內容應該快好多。如果時間允許，我好建議你係第二次温書既時候為每一科再開多一本「速讀簿」，係温習既時候將每一科重點同易遺忘既內容都詳細抄落去，下次温書既時候就唔再需要重新睇哂成套教科書，只係需要温你本速讀簿。
4. 繼續重覆温習教科書
如果例如一個月後你又開始遺忘課本既知識，我提議可以再由頭到尾温一次你本速讀簿、課程範會同埋你既練習題目簿。如果你覺得自己對呢科掌握已經足夠，可以試一試挑戰DSE Past Paper，做完後繼續將題目同答案寫入「試題庫」，而係每次做DSE Past Paper之前都將你有既兩本簿温一次，直至做完所有手頭上練習為止。
1️⃣Free Course/ One day course 各大型補習社名師既免費One Day都係暑假至九月頭陸續推出啦，記得去番各自（遵理、現代、英皇、Calvin Sun...）
🔥各位辛苦左咁耐終於黎到成段路程既最後一個彎位啦🔥
呢個暑假對你DSE成功與否係舉足輕重 身為7科5**既過來人🙂我都想分享下可以點善用呢個暑假推進你既學業成績 🙂
💸有咩可以報?
1. Free Course/ One day course
各大型補習社名師既免費One Day都係暑假至九月頭陸續推出啦，記得去番各自（遵理、現代、英皇、Calvin Sun…）既網站Register番，揀啲時間方便同埋近自己既Course，有時間盡量去多幾個，尤其係就到番學時間嗰啲，唔係真係為左揀老師，而係去學下免費野。
上年覺得有用既有Kenneth, Billy, Hong Sir, Kelvin Lau (Mock)等等，不過真係就唔到時間都唔緊要，你唔會Miss好多野。
有啲比較小型既要自己wtsapp/打電話去（榮Sir等等），記住試下睇下啱唔啱自己。
後面嗰版有我上年排到密哂既schedule
2. Summer Course
唔知今年Course開始左報未，我上年報左YY, Hong Sir, Kelvin Lau等，唔知係咪我個人問題但我覺得成效麻麻，啲Notes都唔算太有用，唔洗太執着無報/ 報唔到。
3. 優惠Course
通常得啲大補習社先有，尤其係Billy啲$50課程，質素唔係話特別好，但性價比高，記得留意幾時推出快啲去報當學下野。
4. 補習社Mock
好快開左學就會有各式各樣既Mock但好心奉獻大家千祈唔好係咁報，甚至連報都唔洗報。中文/ 英文嗰啲語文科可以試一至兩個，但係唔好報學校派嗰啲小型Mock，好多伏（青年新世界🙃）。Mock絕對無大家想像中咁有用，同DSE分好易有大出入，又唔算提供好大既温習動力，而且尤其是坊間Mock良莠不齊，無謂提早打擊自己或自我膨脹，唔好見人報就報（遵理Mock其實都太過貴，唔太建議，但想體驗下亦無妨）。
5. 舊補習Notes
IG都唔少人賣舊補習Notes，但都係嗰句唔洗買太多，一科一個老師全套就夠（如果你好需要，尤其是理科），買多過一套其實好大機會封塵，一套已經more than enough。當然買啲信譽比較好既老師，CWSHAM（自己問friend拎Soft Copy😛）、Hong Sir、Sam Chai等等我都覺得係唔錯既。
工具書（YY, Hong Sir等等）比較抵買，值得一試。
6. 坊間補充練習
個人覺得幾有用，雖然有唔少出版社都會出啲out syl題目，但清concept/ 解伏位其實一流，又可以增加對唔同題形既練習，推薦大家尤其係理科揀一本黎做，去大眾、三聯等等都有架啦，或者上IG都唔少人賣。
Maths: 中大Conventional Questions / Joint Us 藍盾(極難但極有用，for 5**)
Phy: Radian (超多題，自己揀啲黎做）/ CWSHAM後面啲Past Questions / Phy1000（幾難）
Chem: Chem1000（做過唔少outsyl但幾好玩）
以上只係一部份，有咩推薦記得係下面提出!
7. 網上睇片
推介幾個好有用嘅頻道!!!
Herman Yeung (全科)
Herman To (數學)
Marc Yam (物理)
FF教室 (分享)
Melody Tam (分享)
MingSir English (英文)
Bon Lam (分享)
阿滴英文 (英文)
1.教科書、學校筆記
佢應該係你成個温習計劃中第一樣應該清既資源。尤其是理科、商科更應花時間將成套教科書認真熟讀一次 （甚至順便背誦definition) 。因為係學校讀過有哂印象再重温一次係簡單好多同埋更加易入腦，如果你地學校唔用教科書就盡量係七月清哂所有學校資源先，對你將要温既課題打番個根基先，例如中文就睇番範文+分析、英文就學校啲vocabulary list等等。
2. 學校功課、測驗、考試
好多人忽略左呢啲你已經做過既練習，我覺啲學校功課、考試嗰啲應該同筆記分開一個file裝。並且係温完教科書一課既時候睇番嗰課自己做過既功課，温番自己以前錯既concept、中伏位。而温完一個學期既課題時就睇番嗰個學期既考試卷將重點寫入自己既筆記。
3. 補習筆記
如果係大型補習社既話大家都知道份筆記有幾厚而實際講過既係幾少，我建議大型補習社既筆記可以排係學校資源後温，慢慢用多啲時間刨，以補充教科書無既知識，但係唔洗每次逐頁睇哂。第一次睇係速讀，mark低邊幾頁既資料係有用，尤其是學校講漏左既位置（可以用顏色紙黏係上面），第二次再精讀mark低左既頁數。
4. 坊間練習/ mock、補習練習
好多人無諗過要做坊間練習，但係佢地其實係填補左操完By topic同做DSE PP之間既空隙，呢啲練習要做其實越早做越好（大概8月頭温完學校資源開始做，甚麼中五開始做），一黎你可以了解到好多伏位，二黎都可以鞏固番啲concept。對咩科既練習有興趣要推介既可以問番我，例如數學Joint Us (藍盾)、Chem 1000、Physics Radian等等都係值得一做。
另外補習比既練習應該同坊間練習差唔多時間做，好似YY啲mock，Kelvin Lau啲書後練習嗰啲建議係上完堂之後做少少refresh下記憶，剩多啲比你温完個syllabus先一次過做。至於啲mock paper就可以開學後先做。
5. CE/DSE Past Paper
我知有好多學校係中五開始已經比左各位好多Past Paper去做，但建議大家到最後三、四個月前都唔好做DSE住，係暑假做住CE先，部分科可以做一啲By topic既AL（例如Chem)。應是在暑假温完教科書/在温教科書途中跟據温習既次序做By topic CE，有啲比較唔熟既課題可以做先。有啲比較簡單/短既課題可以揀跳題做，但唔好唔做，一定要對題型有基本既掌握。當你將每個By topic既CE都做一次後可以開始做By year paper（最好係教哂課題後），Electives可以跳住唔做先。你會見到好多熟悉既題目，係一個好機會比自己再將model answer更深刻記係腦入面。做完一份By topic一定要記model answer！至於由邊年做起其實好睇個人，我自己由每科2000做起，都已經好足夠。