【DSE 2027 is coming】最後一個月、一個星期各科溫習時間分配
距離DSE開始淨番兩個月多少少，究竟係DSE最後既日子我係點樣部署呢?🤫 係唔同時間，因應進度唔同，我都調整過我自己既温習時間分配。大家要好好掌握啊~👊🏻
咁先講講我自己既目標先：
1. 5**：英文、數學、化學
2. 5*：通識、物理、經濟
3. 5：中文
4. 放棄：M2😂
咁我都算幾係aim high，所以set得標準幾高☄️所以係你真係決定點分配時間之前。首先要了解自己既目標，再根據差距去決定自己用幾多時間🎯
當時考完校內Mock既Predicted Grade：
1. 5**：數學、化學
2. 5*：英文、通識、經濟
3. 5：物理、M2
4. 4：中文
考完Mock，仲有中文、英文、通識既補習班要上。😤 I、 盡量多用時間鞏固我比較差既科，趁可以補習多交文📄所以中文、英文、通識都用比較多時間，希望係仲有多啲時間既時候可以追趕到一啲我比較差既科💩。而因為我理科已經底子比較好，所以我有本錢可以用時間係我比較差既文科將佢地拉上去😈
II、 之所以用咁多時間係通識，係因為通識既技巧其實可以用係好多地方，例如英文寫作、中文說話等等。而因為我想讀既科 (UST GBus)既英文係double count🥺，所以我提早左讀英文，同埋有定期寫文、做綜合等。
III、 至於理科，我多數時間用黎重溫由中一至中六既syllabus，並且做一份我自己既筆記，等我study leave既時候可以安心做卷🤤
IV、建議：大家要趁仲可以係補習社交文既時候放多啲時間係一啲需要長時間訓練、無得背既科目，尤其係中文、英文、通識、中國文學等等💡。以養成習慣為主，盡量keep住係到DSE之前都每百睇一篇文/通識答案sample，令自己熟習DSE答題模式。✅
I、 情況：開始完全Study Leave，再無補習班，偶然要返學校補課。👨🏻🎓 .
.
II、 我呢個時間開始製訂左我既「五日計劃」(詳情請睇 #ffstudyplan )😇。我好平均咁分配我既時間，但係一啲我比較擅長而做卷居多既科目因為我知道太早做都好快唔記得，所以我無放太多時間落去🤷🏻♂️。因為我希望將我自己比較差既科目都可以提升到5**級數，所以我仍然擺既時間會比較多。🙆🏻♂️ .
.
III、數學、化學等等既理科科目我多數都係停地温錯題簿同操練，平均每日會做大約兩份Past Paper同埋對答案🧭，而文枓科目我會做兩份練習 (LS題、英文作文等)📑 .
I、 情況：第一科中文好快開考，將大部份時間撥落温習中文之餘，都要留啲時間比習之後既科。🤩 .
II、 每日基本上係瘋狂Loop YY既筆記、範文集同自己抄落黎既技巧大全🤓。每日都會溫哂四份卷，同埋寫一篇作文或者綜合或者做一份閱讀，更加會隔幾日同朋友出去練習說話，每一日頁獻係中文既時間我諗有8個鐘。😎
而剩低既時間我會溫定英文同通識，好似係句子寫法、駁論、同義詞等等，希望之後考完中文溫其他科既時候會容易好多。📃
1️⃣⛹🏻♂️🧘🏻早睡早起、多做運動🔻
無錯，第一個建議係要大家保持良好既體魄。唔好以為多兩個星期假期就係多兩個星期通宵打機通宵溫書。一旦係呢個時間抵抗力差啲，一覺唔覺中招，就真係DSE都無得考，六年心血付諸東流😭趁著最近唔會有功課同補課，無咁多誘惑無咁多壓力，就要開始調節自己既生理時鐘。尤其係中六既同學，用呢兩個星期迫自己每一日12點要上床，為後來Study Leave衝刺做好準備。🔥🔥🔥有時落去打下波，放鬆心情，先有心力捱埋最後三個月。💫
2️⃣📆🗓事先制訂時間表🔻
對於中六既學生DSE淨番唔夠一個月，你地既Study Leave提早左開始，咁你既學習計劃都可以提早開始！睇下我既時間分配策略😇記住一定要用紙筆寫低，最好用螢光筆做埋Color Code，黐係書枱或者隔黎既牆上面時時刻刻提醒自己。💪🏻越詳細越好，除左寫每一日要溫咩科之外，最好寫埋每日每科要完成既Task。😉
3️⃣🗂📙整理學習資源🔻
如果你係中六既話你一定感覺到成屋都係書，要搵書、筆記係件幾辛苦既事，又有一啲買番黎既Resources唔見左。大家可以參考我其中一個舊Post ( #ffdsesharingtidy ) 睇一睇。🤩 大家可以先將屋企所有搵到既Resources堆成一大疊📚，然後係地下因應你讀既科分做6/7/8格📕，之後係嗰一大疊逐張逐份拎起睇，放入嗰一格度，最後你應該會分左做每科一小疊。之後拎起一科嗰疊，再逐張逐份拎起睇，因應佢既類別分開做3-4格再細啲既一疊，例如精讀筆記一疊、未做既練習一疊、學校試卷一疊等等📗。又或者可以跟據Topic分，例如範文一疊、閱讀一疊、寫作一疊等等。最後張每一疊入落File既一格裏面，就可以整理哂所有學習資料！
同埋大家好多時候忽略既係，電腦既檔案都係時候要整理一下👨🏻💻！將所有可以下載到既Past Paper同練習擺係同一個Folder入面，分科放，然後分類別 (Past Paper、精讀筆記、坊間練習…) ，最後分Topic放，遲啲操練都會方便好多。👀
4️⃣📖👨🏼🏫重溫各科Syllabus (由其係上學期內容)🔻
依家呢段時間學校唔會再教新知識，亦都即係你會用少左時間溫習新知識。但係惡夢係後面😈，一番到去你就要準備瘋狂追趕進度，如果你唔想大落後既話呢段時間絕對唔係用黎Hea！👊🏻 趁呢段時間打好根基，睇番之前上學期讀過既內容，溫番本教科書同埋所有呢年教過既學校筆記。如果你有讀理科，數學、物理、化學、生物、經濟等科目既知識係疊加上去，更加要重點溫習🤯！揀兩、三科自己最唔熟，係呢個假期好詳細咁睇一次教科書並且做筆記。
試一試拎起今年第一本教過既教科書，由第一頁起嘗試一路睇一路係腦入面背每一頁既重點內容🤖，溫左10頁之後再掀番10頁前試下背唔背到。如果已經唔記得左大部份，就由嗰一頁重新溫一次，直到每一次掀番之前既頁數都背得番，先去下一個部分🥳🥳🥳
💥各位想DSE讀書成績事半功倍、快速進步既話就一定要去我既個人網站ffclassroom.flowtura.com (Link in @freezyffgram )！ ☀有各種免費既學習資源 (齊全Past Paper、筆記範本、IES等等)，仲有我獨家製作既5**級筆記！ 🔥已經售出過二百份！以Chem精讀筆記同LS概念大全最受歡迎，大獲同學好評！ 🤤想知更多、睇更多Sample就直接DM我！🤫
過一陣我會分享更加詳細既讀書計劃！記得留意我既Sharing！🤫 .
🥰如果你覺得呢個Post好有用就要save低佢，同埋記得係下面tag你地既朋友同埋share去自己既story！ .
💥各位想DSE溫習事半功倍、快速進步既話就一定要去我既個人網站ffclassroom.flowtura.com (Link in @freezyffgram Bio)
.
☀有各種免費既學習資源 (齊全Past Paper、筆記範本、IES等等)，仲有我獨家製作既5**級筆記！ .
🔥已經售出過二百份！以Chem精讀筆記同LS概念大全最受歡迎，大獲同學好評！ 🤤想知更多、睇更多Sample就直接DM我！🤫
❤仲有記得訂閱我既Youtube頻道：FF教室
👊🏻有好多DSE技巧、大學生活既片都會係上面！各位記得準備下自己😝