【DSE English 英文】Paper 1閱讀 + Paper 3綜合之一眼睇中Keyword技巧

搵Keyword係做閱讀同綜合卷拎分最重要既技巧，你又識未呢？有唔少人問過關於英文Paper 1 & 3既揾point skills，先講Paper 1先啦。

閱讀理解其實係好考一個人既vocab數量，基本上改善閱讀理解既最好方法就係學多啲生字，尤其係唔同常用字既近義詞，我建議可以諗下一啲好簡單既生字（happy, good嗰啲）然後google “xxxxx（隻字）synonyms”，佢會出一堆近義詞，揀幾個有用/見過既然後入落一本簿度。

但係如果要答中point，你首先要理解有好多問題尤其短答/長答題都只不過係將文中某個句子轉左少少再copy成問題。你要做既係係篇文揾番對應既句子。而好多時候佢都只係係問題轉左近義詞，而sentence structure大致都無變，所以好多時候啲preposition（in, of, on等等）都無變到，瞄住呢啲preposition（或者係篇文間低佢）再對番係文章有無大致一樣意思既近義詞就可以揾到答題範圍，揾到就間低佢啦。

好多老師都會叫你去揾keyword，而呢啲keyword多數係一啲專有名詞、人名、特定物品等，姐係呢啲keyword只會係呢篇文入面揾到，而其他文章係唔會見到呢啲keyword，咁既話條問題就好難轉做近義詞，揾point亦都更容易，直接係篇文揾番一樣既字。如果你係條問題見到啲少見、唔明或者覺得特別既字就直接間低佢啦。

係問題揾完keyword係篇文間番啦，之後要點？
下一步就係揾答案。多數答案只會出現係你間左既部分前一句至後一句。睇番問題入面既subject主語（問緊關於邊個地/人/事既資料？），再試下係文中揾下keyword同一句、上一句、下一句有無同一個主語，咁就可以揾到答案實際上係邊度啦。記住成個答案直接抄落去唔好改任何字/同義詞，同埋通常同一句唔會用係兩題Long Q度  可以用此縮細答案範圍。

1. 啱啱做完聆聽
我個人習慣一路聽一路將答案好求其他抄係啲邊位，因為我唔洗介意啲字體，最後佢話check答案嗰一兩分鐘時再順便check埋啲tense, plural先抄落答案線上面，如果大家字體唔太好可以考慮都咁做。所以我做哂聆聽後唔係真係好多時間可以睇定綜合。如果你地check答案後好多時間淨絕對建議你地睇定綜合先都得。

2. 播緊綠袖子
好多人教話睇B1剔走啲point 但我自己覺得唔太有用，因為你都唔夠敢聽都唔聽。最理想都係睇番B2既page 1(假設你做B2)。
我個人既preference就係用三色瑩光筆，每隻色for一個task，一個task，紅色for task 1，黃色for task 2，藍色for task 3，以後同嗰個task有關既就永遠用番同一隻色。睇定page 1用番嗰隻顏色簡番所有佢既指引例如文體、要睇既source等等，分三色間完成篇Page 1就差唔多開始播錄音

3. 一開始播錄音
係錄音嗰版用瑩光筆間定邊個topic for邊個task 小心有啲一個大題目for兩個task就算覺得無用都要聽番幾句係咁依寫下，廢時呆左miss下一個task，記得聽實啲地點、日期、人名等等。
試下好似樹枝圖咁抄，分point寫topic後細分sub-point咁聽到時地人事或者reasons, details等字眼就要加倍留神啦。
如果手速夠快可以聽到咩抄咩，唔洗介意好潦，到最後聽完先用三色瑩光筆間番邊啲point真係有用。
.

4. 開始做綜合
唔好唔記得睇成份卷第一版好多時候都有講task既背景（人名、職位、機構等等)，睇番guidance page好多時候都有分三段，一開始拎定支粉紅色瑩光筆係第一段間低佢要你做既野，一路掀下後面啲task睇下邊個data file係關事既。最好寫個number係每個data file隔黎標明每個data file用係邊度。通常每個task都有一個❗️主題❗️例如討論某一個活動細節、回應某封投訴信、準備某開幕禮speech等等，而嗰個「某」就係你第一件要係guidance page揾既資料，通常會係成段第一、二行例如2018年task 8叫你compare個Gameztart同Acorn Grant，揾完呢啲keyword即刻係data間返呢個keyword有關既野前一句至後一句關事既重點。

5. 揾細keypoint
繼續睇guidance page，睇完❗️主題❗️之後去下一句，撇除哂咩is, the, of嗰啲廢字好快揾到佢真係要你寫既細節，而呢啲細節通常係一啲比較準則或者係需求黎既，例如2018既advantages, disadvantages, what we’ve decided, what we need等等，留意好多時候❓疑問詞❓(what, why, when)、專有名詞(人名、地名、活動名、時間、⭕️數字⭕️等）後都係你要寫既細節，有時唔一定係exact wording，但都係細節既內容，好似cost係disadvantage既一部份、而competition既date都係what we’ve decided既一部分，自己衡量下。有時guidance page會refer去另一個data詳細講嗰個task要做既野，係嗰個data做番一樣野就可以。

6. Wrap up一個task
由頭到尾睇哂你mark過task 8既data file間哂要抄既資料（記得間埋listening嗰版！)你應該半本data file係紅色既，即刻拎左黃色highlighter重覆睇guidance page間要抄資料既步驟，你應該少左好多野睇因為間左紅色筆嗰啲唔洗睇，一直間完task 3就可以開始無腦照抄啦！記得轉到啱grammar 🙂 祝你好運

“Most people do not listen with the intent to understand; they listen with the intent to reply.”