【DSE究極部署】衝上數學雲宵 – 榜眼操Past Paper大法
你對讀DSE數學嘅印象係咩？瘋狂操卷？做奧數難度嘅題目？如果我你講學數學其實可以好有計劃，唔只得死操難操DSE Past Paper，相信可以將你溫習DSE Maths時候嘅氣餒程度大大減低🙌🏻 今次呢篇文章講既就係HKDSE 2020數學科既温習方式，應用既層面好廣！因為如果你有讀其他理科，例如物理、化學、經濟等等，都可以用以下介紹嘅高效溫習法去讀🤩
由於原文太長，下集會係呢兩日推出，敬請期待！🤫
I. 數學科會要求咩技巧？
等我地重溫一下數學嘅Syllabus，先可以知道唔同課題要以咩方式去熟習🤯
1️⃣數與代數
1. 數字系統、一元二次方程、指數函數與對數函數
2. 不同函數及其圖像 (包括形狀、最大最小值)
3. 多項式 (長除法、因式分解)、解不同函數的方程
4. 變分 (正變、反變)
5. 不等式與線性規畫
6. 等差數列與等比數列及其求和法
2️⃣度量、圖形與空間
7. 幾何學 (四邊形、線段等)、圓的基本性質
8. 三角學 (包括立體)
9. 直線方程、三角方程、圓方程
10. 軌跡
3️⃣數據處理
11. 排列與組合
12. 概率
13. 統計及謬誤、離差的度量
我已經將類近嘅課題包含係同一範疇，依照學習嘅應有次序排列，可見你要讀嘅課題非常之多😿要讀好咁多個課題，基本功一定要打得好，即係每一個範疇嘅頭幾1-2個課題，事關數學題目所需概念環環相扣，唔識前面，後面都唔會識😵
II. 打好基本功，由初中課題開始重溫
由於數學科要求學生對科目既固有知識 (如定義Definition、方程式Formula、圖像Graphs) 非常熟悉，因此對書本上既知識既掌握尤其重要🤭雖然操練係學習數學科既核心，但如果你練條Formula都唔記得，又點做練習呢？操Past Paper或練習之前最好係將整個課程的教科書 (或學校筆記) 由頭到尾温習多於一次📚
我講緊係由中一嘅第一科開始溫起。DSE考嘅唔只係高中課題，一啲初中略略講過嘅課題係DSE都會考核，經典例子就係base 10, base 16呢類嘅進制，又或者irrational numbers、square root乘除等等。佔分唔多但簡單易讀📌
唔好因為初中數學太簡單而快睇。第一次由頭温到尾係非常認真地讀，每一個部分都嘗試不斷背誦，尤其Definition同題目示範，温完一個Chapter去下一個Chapter之前確保自己對每上一個Chapter大部分內容都能夠背出黎，盡量試試背誦書上講過對於唔同題目嘅Case要點樣應對💪🏻亦都試下抽每一課最尾練習中嘅最難或者打星嘅幾題出黎做。如是者由第一個Chapter讀到尾，過程會很漫長，但回報絕對值得💡
係溫習嘅時候拎一本簿出黎，我叫做「精讀簿」，如果你有邊個課題發覺掀左兩次都背唔到所有Definition、Formula同所有題目嘅正確應對方法，又或者係做錯左書入面嘅題目，就用自己嘅文字將嗰一個Definition、Formula或者題目連同答案寫落本簿入面。記得加多一句自己文字解釋自己成日唔記得邊一個步驟、錯左咩Concept等等。
III. 攻破初中後，繼續進軍高中範圍
溫習會重點係睇書入面嘅題目示範，之後再做題目去validate自己嘅掌握🖐🏻所以如果你遇到有任何書入面嘅example係自己唔識嘅，就加番落去你本「精讀簿」。 今次溫習嘅次序係跟據我上文嘅課題次序，完成一個課題先好去讀下一個課題。而每一次溫書前都溫一次本「精讀簿」先，如果你溫多次嘅係有相同唔記得嘅地方，就用支螢光筆係本薄間低相應嘅句子✍🏻 IV. 根基扎實，開始以操練鞏固🔻
事實上你每完成一個課題，即係當你溫多次都無野唔記得，無野要加落錯題簿嘅時候，就應詃拎一份By Topic嘅CE Past Paper出黎做。
唔一定要好似By Year咁成份一次過做哂，而係可以跳題做🏃你可以做嘅係再開多一本「錯題簿」，將你係By Topic做錯過嘅題目連同答案連同用自己文字解釋做錯嘅地方抄落去。
做哂所有CE By Topic後可以開始做By Year，由2000年開始做起已經好足夠。而對答案係非常重要，絕對唔可以做完練習唔對答案。你亦都可以係練習或者PP上面同螢光筆Highlight，然後本簿就係寫邊版有咩Concept係一定要記得。時間多可以做坊間練習 (如Joint Us)🙈
V. 唔同課題嘅重心？🔻
🧮數與代數
呢一課係最講求基本功，首要係你要明白每種唔同function (log, trigo, exponential)等等嘅加減乘除性質，然後明白點樣運用佢地去解方程。呢一科好要求大家記熟一個固定嘅步驟去解方程，只要操練得多，知道面對唔同嘅代數你要用咩步驟，呢課對你就好簡單。
記住log嘅性質同其他好唔同⚠️要特別留意。而另外要背嘅formula都唔少，尤其是arithmetic sequence同埋geometric sequence。所以花多少少時間睇唔同題目嘅答案，了解「步驟」嘅變化。 📐度量、圖形與空間
呢一科好講大家嘅創意。因為好多時候運用Rule嘅時候必須要知道唔同線同角嘅位置同組合可以比你運用到咩rule，尤其係三角，每一條邊連另一條邊嘅咩位直都好重要⚠️ 如果大家自認數感唔係特別強，就可以多做特別難嘅題目，你唔一定識做，但係你要知道面對一啲未見過嘅圖難形，其他人係運用左咩rule去解決問題，咁你下次面對同樣情況就可以抄人地嘅方法。咁當要你一定要反覆將每一條rule背到滾瓜爛熟，建議背默幾次✅ 📈數據處理
呢一科考緊大家嘅係細心，要知道有好多統計類題目都需要大家輸入大量數據，一禁錯訲數機就成題無分😤又或者係P&C題目要大家list哂所有出現嘅組合。
大家會唔會留意一啲無咁易諗到嘅case就成為攞分關鍵。所以大家溫習呢幾類題目時要多加操練，熟習一啲好易漏嘅位，而係操練嘅時候check多幾次，重覆用多幾次計數機💻咁當然concept都要清，特別係probability。用多啲時間請教老師、同學，將有關concept點到你明為止，事關大部分題目都唔需要好多複雜運算，只需你要條式啱，之後就順理成章。
VI. 進入DSE Past Paper的最後直路🔻
係每次做DSE Past Paper之前都將你有既「精讀簿」同「錯題簿」温一次，先開始做DSE Past Paper，確保你做Past Paper時候唔識嘅都係一啲你從來未做過嘅題目。
以上就係你要讀好數學必定要知道嘅計劃，記住由今日開始即刻開始精讀數學之路，係死操爛操之餘都要重溫已有知識，絕對更加令你讀數學時更有成功感，成績翻倍！
高中課程重視深度理解和思考，也有兼顧不少SBA和大小測驗考試。時間管理變得很重要⚡ 而更重要的是：調整讀書策略的意識。通過我呢個網上課程，我好肯定大家都可以掌握到到5**級嘅讀書方法！🔥 🤩課程大獲好評！用一、兩本書的價錢，換取能終生受用的讀方法？想了解更多有關高效學習法的網上課程，就按以下的Google Form鏈結！
🔹報名網上課程：https://forms.gle/vBSjqeKjZJXqo2Vc8
🔸網站: https://brown-flamingo-591574.hostingersite.com/ ( Link in bio @freezyffgram )
🔸新Facebook專頁: FF教室
👊🏻有好多DSE技巧、大學生活既片都會係上面！各位記得準備下自己🙌🏻
仲有仲有多謝 @goop4groups 支持我出呢篇文🌟佢地最近會推出比大家交流DSE心路歷程嘅版面，想同同路人傾下計就記得去啦‼️